Forex ٹریڈنگ میں تکنیکی تجزیہ
ایک پروفیشنل Forex ٹریڈر بننے کے لیے، آپ کو تکنیکی تجزیہ اور اسے اپنی ٹریڈنگ کی مشق میں استعمال کرنے کے طریقے کے بارے میں سیکھنا چاہیئے۔ مختلف تکنیکی ٹولز کا استعمال کرتے ہوئے، Forex ٹریڈرز کرنسی کے جوڑوں کے چارٹس کا تفصیل سے مشاہدہ کر سکتے ہیں اور کرنسی کی ٹریڈز سرانجام دینے کے لیے ٹریڈنگ کے بہترین آپشنز متعین کر سکتے ہیں۔ یہ مقالہ ٹریڈنگ میں ان کی اہمیت کو اجاگر کرتے ہوئے، تکنیکی تجزیے کے بنیادی ٹولز کا جائزہ پیش کرتا ہے۔
Forex میں تکنیکی تجزیہ کیا ہے؟
تکنیکی تجزیے میں ایسے متعدد ٹولز اور طریقے شامل ہوتے ہیں جنہیں ٹریڈرز مارکیٹ کے سابقہ ڈیٹا کی بنیاد پر مارکیٹ کے رویے کی پیش گوئی کرنے کے لیے استعمال کرتے ہیں۔
Forex میں، تکنیکی تجزیہ تاریخی تبدیلیوں پر مبنی Forex مارکیٹ کی تشخیص کا ایک تصور ہے۔ تکنیکی تجزیہ تکنیکی تجزیہ کاروں اور ٹریڈرز کو کرنسی کے جوڑوں کی قیمتوں کی اگلی سمت کا تعین کرنے میں مدد فراہم کرتا ہے۔ تجزیہ کاروں کا خیال ہے کہ مارکیٹ سائیکل میں چلتی ہے، اور اس کا رویہ غیر متوقع ہے۔
مالیاتی اور کاروباری خبروں، افواہوں، کمپنیز کی اجتماعی کارکردگی، اور سیاسی عوامل کا مطالعہ کرنے والے بنیادی تجزیہ کاروں کے برعکس، تکنیکی تجزیہ کار ٹریڈنگ کا سابقہ ڈیٹا دریافت کرتے ہیں۔ اس طرح کی تکنیکی ٹریڈنگ میں ترچھی اور افقی لائنز کے بارے میں سیکھنا شامل ہے تاکہ سپورٹ اور مزاحمت کی سطحوں کی نشاندہی کی جا سکے۔ تکنیکی تجزیے کے تجویز کاران Forex کے چارٹس، پیٹرنز، اور انڈیکیٹرز پر انحصار کرتے ہیں۔
Forex میں تکنیکی تجزیہ استعمال کرنے کا کیا طریقہ ہے؟
تکنیکی اور بنیادی تجزیے کو یکجا کرنا ٹریڈنگ کے لیے مارکیٹ کے حوالے سے جاننے کا بہترین طریقہ ہے۔ ریٹس اور افراط زر میں تبدیلیاں، جیوپولیٹیکل صورتحال، اور کرنسی کے ایکسچینج ریٹس کو متاثر کرنے والے دیگر معاشی اور مالیاتی عوامل جیسے شماریاتی ڈیٹا کا جائزہ لیتے ہوئے، Forex مارکیٹ کے مستقبل کے اتار چڑھاؤ کا تعین کرنے اور اس سے استفادہ کرنے کے لیے تکنیکی ٹولز کا استعمال کرنا بھی ضروری ہے۔
آئیں ان بنیادی تکنیکی تجزیاتی ٹولز کے بارے میں بات کرتے ہیں جو Forex ٹریڈرز کو ٹریڈنگ کے بہترین مواقع تلاش کرنے کے لیے کرنسی کے جوڑوں کے چارٹ کا مفصل انداز میں تجزیہ کرنے میں مدد کرتے ہیں۔
بنیادی تکنیکی تجزیاتی ٹول کے طور پر سپورٹ اور مزاحمتی سطح
جب آپ Forex میں تکنیکی تجزیہ استعمال کرنا شروع کرتے ہیں، تو آپ کو سب سے پہلے سپورٹ اور مزاحمتی سطح سے متعلق فہم حاصل کرنا ضروری ہے۔ یہ سطحیں ظاہر کرتی ہیں کہ قیمت ایک سمت میں اپنی حرکت کو کہاں روکتی ہے اور کہاں ریورس ہو جاتی ہے، جس سے آپ کو مارکیٹ کے رجحانات اور ٹریڈ کے سگنلز کو سمجھنے اور اپنی مستقبل کی حکمت عملی تیار کرنے میں مدد ملتی ہے۔
سپورٹ
سپورٹ قیمت کی وہ سطح ہے جس پر طلب کے ارتکاز کی وجہ سے مندی کے رجحان کے رکنے کا بہت زیادہ امکان ہوتا ہے۔ جب گرتی ہوئی قیمت چارٹ پر سپورٹ کا سامنا کرتی ہے، تو اس کا بُلش سمت میں ری باؤنڈ ہونے کا بہت زیادہ امکان ہوتا ہے۔
مثال کے طور پر، آپ EURUSD کرنسی کے جوڑے کی ایک مختصر ٹریڈ کرتے ہیں، اور جوڑا آپ کے حق میں گراوٹ کا شکار ہو جاتا ہے۔ بالآخر, یہ سپورٹ کی اس سطح پر پہنچ جاتا ہے جس پر اسے پہلے ہی آزمایا جا چکا ہو اور قبل از متعین کیا جا چکا ہو۔ اس وقت، یہ کم ترین ریورسل کی توقع رکھتے ہوئے ٹریڈ کو کلوز کرنے کا شاندار موقع ہو گا۔
مزاحمت
اس کے برعکس، مزاحمت، قیمت کی وہ سطح ہے جس پر رسد کے ارتکاز کی وجہ سے ترقی رکنے کا بہت زیادہ امکان ہوتا ہے۔ جب قیمت اوپر کی جانب حرکت ہے اور کسی رکاوٹی مقام پر پہنچتی ہے، تو یہ مزاحمت کا سامنا کرے گی اور ممکنہ طور پر بیئرش سمت کا رخ کرے گی۔
مثال کے طور پر، آپ EURUSD کی ایک طویل ٹریڈ میں مشغول ہیں جہاں قیمت میں مسلسل اضافہ ہو رہا ہے۔ پھر، آپ نوٹس کرتے ہیں کہ قیمت کا اتار چڑھاؤ مزاحمت کی ایک مخصوص سطح پر رک جاتا ہے – نیز یہ ٹریڈ سے باہر نکلنے اور مثبت رہنے کا ایک بہترین موقع ہوتا ہے۔
رجحان ساز لائنز
رجحان ساز لائنز تکنیکی تجزیے کے لیے ایک ضروری ٹول کے طور پر کام کرتی ہیں۔ چارٹس میں، رجحان ساز لائن ایک تصوراتی سیدھی ترچھے انداز کی لائن ہوتی ہے جو پرائس ایکشن کی نچلی اور بالائی سطح کو جوڑتے ہوئے، قیمتوں کے اتار چڑھاؤ کے ساتھ اوپر یا نیچے کی جانب حرکت کرتی ہے۔ رجحان ساز لائنز ایک سمت میں موجود قیمتوں کے مروجہ اتار چڑھاؤ کو واضح کرتی ہیں، جسے رجحان کہا جاتا ہے۔ Forex میں آپ مختلف رجحان ساز لائنز استعمال کر سکتے ہیں۔
بُلش رجحان ساز لائن
بُلش رجحان ساز لائن ایک سیدھی لائن ہوتی ہے جو اوپر کی جانب حرکت کرتی ہے اور بہتری کے رجحان کے دوران سلوپ کرتی کینڈلز کی نچلی سطح کو جوڑتی ہے۔ بُلش لائن نیچے کی جانب سے بہتری کے رجحان کو محدود کرتی ہے اور قیمتوں کے اتار چڑھاؤ کے لیے سپورٹ کے طور پر کام کرتی ہے۔ یہ اوپر کی جانب حرکت کرتی ہے جبکہ رجحان کی طاقت کے لحاظ سے جھکاؤ کا زاویہ مختلف ہوتا ہے – یہ جتنا زیادہ نمایاں ہو گا، رجحان اتنا ہی کم واضح ہو گا۔
بُلش مارکیٹ طویل ٹریڈز کے لیے ایک شاندار موقع پیش کرتی ہے۔ آپ یہ توقع کرتے ہوئے کرنسی کا جوڑا خرید سکتے ہیں کہ قیمت میں اضافہ ہونے کا بہت زیادہ امکان ہے، اور بالآخر، آپ خود کو ایک منافع بخش پوزیشن میں پائیں گے۔
بہتری کے رجحان کا اختتام اس وقت واقع ہوتا ہے جب قیمت بُلش رجحان ساز لائن سے نیچے آ جاتی ہے اور گراوٹ کا شکار ہونا شروع ہو جاتی ہے – جسے بیئرش بریک ڈاؤن کہا جاتا ہے۔
بیئرش رجحان ساز لائن
بیئرش رجحان ساز لائن بُلش رجحان ساز لائن کی مخالف سمت میں موجود ایک سیدھی لائن ہے اور مزاحمت کے طور پر کام کرتی ہے۔ بیئرش لائنز مندی کے رجحان کے دوران قیمتوں کے اتار چڑھاؤ کو واضح کرتی ہیں۔ انہیں قیمت کی کینڈل اسٹکس سے اوپر تشکیل دیا جاتا ہے اور کسی دوسری کینڈل سے آگے بڑھنے والی ابتدائی کینڈل کے اوپر کی طرف جاتے ہی اس کا اغاز ہو جاتا ہے، جو قیمتوں میں کمی کے رحجان کی نشاندہی کرتا ہے۔
بیئرش رجحان کرنسی جوڑے کے مستقبل کے حوالے سے مارکیٹ کے مایوس کُن تاثر کو ظاہر کرتا ہے جب ٹریڈرز قیمت میں کمی سے فائدہ اٹھانے کے لیے کرنسی فروخت کرنا شروع کر دیتے ہیں۔
ذیلی مارکیٹس کا رجحان
تیسری قسم کی رجحان ساز لائن اس وقت واقع ہوتی ہے جب طلب اور رسد تقریباً برابر ہوتے ہیں۔ ذیلی مارکیٹ کا رجحان واضح یک سمتی اتار چڑھاؤ کی غیر موجودگی کو ظاہر کرتا ہے۔
بہت سے Forex ٹریڈرز ذیلی مارکیٹ کے رجحان کو فلیٹ کہتے ہیں۔ جب متعدد ٹریڈرز قیمت کے کسی مخصوص قسم کے اتار چڑھاؤ کا انتظار کرنے کا انتخاب کرتے ہیں تو مارکیٹ میں ایک نام نہاد خاموشی چھا جاتی ہے۔ مارکیٹ کی یہ فطری حالت رجحان ساز ٹریڈرز کو مایوس کرتی ہے۔ تاہم، آپ کچھ ایسے پروفیشنلز سے ملاقات کر سکتے ہیں جو اسکیلپنگ کی حکمت عملیوں کا اطلاق کرنے کی غرض سے فلیٹس کو اپنے فائدے کے لیے استعمال کرتے ہیں۔ چونکہ ذیلی مارکیٹ کا رجحان Forex میں ایک معمول کا رجحان ہوتا ہے اور تمام کرنسیز کے جوڑوں میں واقع ہوتا ہے، اس لیے ہم تجویز کرتے ہیں کہ ٹریڈنگ کی اس صورتحال کو اپنے فائدے کے لیے استعمال کرنے کا طریقہ سیکھیں۔
Forex کے تکنیکی تجزیاتی انڈیکیٹرز
Forex ٹریڈرز، تکنیکی تجزیے کے تجویز کاران، اپنے تجارتی طریقوں میں مختلف انڈیکیٹرز پر انحصار کرتے ہیں۔ تکنیکی تجزیے کے انڈیکیٹرز کو ان کے فراہم کردہ سگنلز کی ٹائمنگ کی بنیاد پر دو اقسام میں تقسیم کیا جا سکتا ہے۔
لیڈنگ انڈیکیٹرز
لیڈنگ انڈیکیٹرز مارکیٹ میں مستقبل میں ہونے والی تبدیلیوں کے انڈیکیٹرز کے طور پر کام کرتے ہیں اور قیمت کی سرگرمی کے حوالے سے پیش گوئی کرنے کے لیے استعمال ہوتے ہیں۔ یہ انڈیکیٹرز چارٹ پر ممکنہ ریورسل رونما ہونے سے قبل ہی سگنلز فراہم کرتے ہیں۔ لیڈنگ انڈیکیٹرز کا سب سے اہم فائدہ یہ ہے کہ یہ آپ کو اپنی ٹریڈز کی منصوبہ بندی کرنے کے لیے قیمت کے اتار چڑھاؤ کے عنقریب رونما ہونے والے ریورسل کے بارے میں وقت سے پہلے ہی باخبر کر سکتے ہیں۔
تاہم، لیڈنگ انڈیکیٹرز 100% قابلِ اعتماد نہیں ہوتے اور اکثر اوقات غلط سگنلز فراہم کر دیتے ہیں۔ اس لیے Forex ٹریڈرز کو اپنی ٹریڈنگ کی یومیہ روٹین میں لیڈنگ انڈیکیٹرز کو دوسرے تکنیکی تجزیاتی ٹولز کے ساتھ یکجا کرنا چاہیئے۔
کچھ مقبول ترین لیڈنگ انڈیکیٹرز میں ریلیٹو اسٹرینتھ انڈیکس (RSI)، اسٹاکسٹک آسیلیٹر، اور ولیمز %R شامل ہیں۔
لیگنگ انڈیکیٹرز
ہم لیگنگ انڈیکیٹر کو رجحان کی تصدیق کرنے والے انڈیکیٹرز کہہ سکتے ہیں کیونکہ یہ چارٹ پر کوئی واقعہ رونما ہونے کے فوراً بعد اس کی تصدیق کے حوالے سے سگنلز فراہم کرتے ہیں۔ اس قسم کے انڈیکیٹر میں سگنل کی کامیابی کی شرح نسبتاً زیادہ ہوتی ہے، لیکن ساتھ ہی، ان کی وجہ سے، ٹریڈرز کافی دیر سے ٹریڈ میں داخل ہوتے ہیں۔ اسی وجہ سے ٹریڈرز پرائس ایکشن کے نسبتاً بڑے حصے سے محروم ہو جاتے ہیں۔
موونگ ایوریجز (سمپل، ایکسپونینشل، والیوم ویٹڈ، ڈس پلیسڈ، وغیرہ)، پیرابولک SAR، اور موونگ ایوریج کنورجینس ڈائیورجینس (MACD) سب سے زیادہ استعمال ہونے والے لیگنگ انڈیکیٹرز ہیں۔
کوئی بھی انڈیکیٹر ہمیشہ درست نہیں ہو سکتا۔ لہٰذا، تصدیقی عمل کو زیرِ استعمال لانا ایک اچھا خیال ہے، خصوصاً تب جب آپ ایک مختصر پوزیشن کے ساتھ لیڈنگ انڈیکیٹر کے سگنل کے ذریعے ٹریڈ میں داخل ہوتے ہیں اور پھر لیگنگ انڈیکیٹر کی تصدیق کے بعد اس میں اضافہ کرتے ہیں۔
تکنیکی تجزیے کے چارٹ پیٹرنز
تکنیکی تجزیے کا چارٹ پیٹرن پرائس ایکشنز کا ایک مجموعہ ہوتا ہے جو چارٹ پر ایک مخصوص جیومیٹرک خاکہ تشکیل دیتا ہے اور زیادہ امکان کے ساتھ مارکیٹ میں قیمت کے مزید اتار چڑھاؤ کی پیش گوئی کرنا ممکن بناتا ہے۔ چارٹ پیٹرنز Forex میں ٹریڈ کی انجام دہی کو آسان تر بناتے ہیں۔ یہ ٹریڈرز کو اپنی ٹریڈز کے حوالے سے معقول فیصلے کرنے میں مدد کرتے ہیں۔ چارٹ پیٹرنز کا بنیادی نقصان ان کے نقطہ نظر کی ذاتی موضوعیت ہے۔ لہذا، اسی چارٹ پر، ایک تجربہ کار ٹریڈر غیر معمولی پیٹرن کا تعین کر سکتا ہے اور استفادہ کر سکتا ہے، جبکہ ایک نوآموز ٹریڈر معیاری خاکہ دریافت کر سکتا ہے اور وہ محروم ہو سکتا ہے۔
چارٹ پیٹرنز کی دو بنیادی اقسام ہوتی ہیں:
- ریورسل پیٹرنز۔ اس طرح کے چارٹ کے خاکے مارکیٹ کے جاری رجحان میں عنقریب رونما ہونے والی تبدیلی کی نشاندہی کرتے ہیں۔ ہمارے نزدیک قابلِ اعتماد پانچ ریورسل چارٹ پیٹرنز یہ ہیں: ڈبل ٹاپ، ڈبل باٹم، ٹرپل باٹم، ویجز، ہیڈ اینڈ شولڈرز، سمیٹریکل ٹرائی اینگل، اور ٹرپل ٹاپ۔
- تسلسل پر مبنی چارٹ پیٹرنز۔ چارٹ پیٹرنز کی یہ قسم جو ایک جاری رجحان کے مستقبل کے تسلسل کو ظاہر کرتی ہے۔ تسلسل پر مبنی مقبول ترین چارٹ پیٹرنز میں پیننٹس، فلیگز، ریکٹینگلز، اور ویجز (یا تو ریورسل یا تسلسل پر مبنی پیٹرنز ہو سکتے ہیں) شامل ہیں۔
ٹریڈرز کو یہ بات یاد رکھنی چاہیئے کہ Forex مارکیٹ چوبیس گھنٹے کھلی رہتی ہے، اور ایک دن کی بندش کے بعد عموماً اگلے روز وہیں سے شروع ہوتی ہے۔
کینڈل اسٹک پیٹرنز
Forex میں، کینڈل اسٹک پیٹرن سے مراد ایک انفرادی کینڈل یا ایک سے زیادہ کینڈلز کی تشکیل ہے جو قیمتوں کے اتار چڑھاؤ کو واضح کرتا ہے اور ٹریڈنگ کی سرگرمی کا ایک جائزہ پیش کرتا ہے۔ کینڈل اسٹک پیٹرنز کافی معلوماتی ہوتے ہیں، اور اسی وجہ سے وہ Forex ٹریڈرز کے لیے رجحان ساز ہوتے ہیں۔ نیز، یہ تکنیکی تجزیاتی ٹول ناتجربہ کار اور نوآموز ٹریڈرز کے لیے موزوں ہے۔
کینڈل اسٹک پیٹرنز کی دو اہم اقسام ہیں – ریورسل اور تسلسل پر مبنی۔
- ریورسل کینڈل اسٹک پیٹرنز وہ کینڈل اسٹکس ہیں جو اس انداز میں ترتیب دی جاتی ہیں تاکہ وہ موجودہ رجحان کے دوسرے رجحان کے حق میں ختم ہونے کی نشاندہی کر سکیں۔ ٹریڈرز کو مختلف کینڈل اسٹک پیٹرنز دستیاب ہو سکتے ہیں: ہیمر، ہینگنگ مین، انگلفنگ، مارننگ اسٹار، شوٹنگ اسٹار، اور ایوننگ اسٹار۔
- تسلسل پر مبنی کینڈل اسٹک پیٹرنز وہ کینڈل اسٹکس ہیں جو یہ واضح کرتی ہیں کہ کچھ سابقہ کینڈلز پر مبنی قلیل مدتی رجحان یکساں سمت میں حرکت کرے گا۔ تسلسل پر مبنی کچھ قابلِ اعتماد کینڈل اسٹک پیٹرنز یہ ہیں: ڈیلیبریشن، کنسیلنگ بے بی سوالو، میٹ ہولڈ، اور میتھڈ۔
کینڈل اسٹک پیٹرنز Forex ٹریڈرز کے لیے نہایت ضروری ٹول ہوتے ہیں۔ تکنیکی تجزیہ کاروں کا خیال ہے کہ آپ مارکیٹ کے مستقبل کے تاثر کی پیش گوئی کرنے اور اس سے استفادہ کرنے کے لیے اس مختصر اور جامع تشکیل سے بہت کچھ سیکھ سکتے ہیں۔
خلاصہ
مختصراً، Forex ٹریڈنگ میں تکنیکی تجزیہ مارکیٹ کی تشخیص کرنے کا ایک ایسا طریقہ ہے جس کو تبدیل نہیں کیا جا سکتا۔ Forex میں شرکاء کی تعداد، ٹریڈنگ کے حجم، اور مختلف حالات اور رجحانات کے حوالے سے مارکیٹ کی حساسیت سے وابستہ زیادہ لیکویڈیٹی کا مطلب یہ ہے کہ Forex مارکیٹ مسلسل تبدیل ہو رہی ہے اور دہرائے جانے والے پیٹرنز کا رجحان ہے۔ Forex کا تکنیکی تجزیہ ٹریڈرز کے لیے قیمتوں کے اتار چڑھاؤ کی سمتوں کی پیش گوئی کرنے کے لیے فائدہ مند ہے جو مارکیٹ میں داخل ہونے اور باہر نکلنے کے لیے بہترین آپشنز فراہم کرتا ہے۔ اس میں متعدد ٹولز اور انڈیکیٹرز شامل ہوتے ہیں جن کی بدولت کامیاب ٹریڈنگ کے لیے بہت سے مواقع دستیاب ہوتے ہیں۔
ہماری گائیڈز اور تجاویز تکنیکی تجزیے اور ٹریڈنگ کے دیگر پہلوؤں کے حوالے سے مزید جاننے میں آپ کی مدد کریں گی۔ ہمارے ساتھ شامل ہوں اور FBS کے ساتھ اپنے ٹریڈنگ کا سفر شروع کریں!
اکثر پوچھے گئے سوالات
کیا پروفیشنل ٹریڈرز تکنیکی تجزیہ استعمال کرتے ہیں؟
تکنیکی تجزیہ ایک ایسا طریقہ کار ہے جسے بنیادی اور تکنیکی دونوں قسم کے ٹریڈرز استعمال کرتے ہیں۔ تاہم، بنیادی تجزیے پر قائم رہتے ہوئے، بہت سے بنیادی ٹریڈرز چارٹ پیٹرنز اور دیگر تکنیکی تجزیاتی ٹولز پر غور و فکر کرنے کے بعد ہی ٹریڈ میں داخل ہونے کے حوالے سے اپنے فیصلوں کی تصدیق کرتے ہیں۔
تکنیکی تجزیہ کیسے سیکھیں؟
- تکنیکی تجزیے کے بنیادی تصورات اور بنیادی ٹولز کے بارے میں سیکھیں۔
- ایک زیرِ کنٹرول ماحول میں اپنے علم کو عملی جامہ پہنائیں۔
- حقیقی ٹریڈز کریں۔
- تکنیکی تجزیے کے حوالے سے اپنی معلومات میں اضافہ کرتے رہیں۔
Forex میں تجزیے کی کتنی اقسام ہوتی ہیں؟
عموماً، Forex مارکیٹ میں تجزیے کی تین اقسام ہوتی ہیں: بنیادی، تکنیکی، اور جذباتیت پر مبنی۔
