مالیاتی جعل سازی: اس سے بچنے کے لیے 3 ضروری تجاویز
مالیاتی جعل سازی کا مسئلہ عالمی سطح پر کافی تشویش کا سبب بن گیا ہے۔ ہر کاروبار خود کو اس سے محفوظ رکھنا چاہتا ہے اور مالیاتی جعل سازی کا شکار ہونے کے امکان کو کم کرنا چاہتا ہے۔ یہ وہ صورتحال ہے جس سے ہر کاروبار کا مالک بہت زیادہ خوفزدہ ہے۔ تاہم، کچھ ایسے اقدامات ہیں جن سے مالیاتی جعل سازی کے سراغ رسانی کے نظام کو بہتر بنایا جا سکتا ہے اور آپ کی سرمایہ کاری کے ڈوبنے کے امکان کو کم کیا جا سکتا ہے۔
مالیاتی جعل سازی کیا ہے؟
ٹریڈنگ انڈسٹری میں، ابتدا میں کچھ ایسی کارروائیاں ہوتی ہیں جو ان افراد کو دھوکہ دہی سے امیر بننے کا موقع فراہم کرتی ہیں جو زیرِ بحث سرگرمی میں ملوث ہوتے ہیں۔ مثال کے طور پر، ذاتی فائدے کے لیے اندرونی معلومات استعمال کرنا یا کسی دوسرے شخص کی پراپرٹی پر دھوکے سے قبضہ جما لینا ہمیشہ مادی نفع حاصل کرنے کے مقصد سے کیا جائے گا۔ متبادل کے طور پر، کوئی شخص کسی دوسرے شخص کی جانب سے مادی نفع حاصل کرنے کے لیے دھوکہ دہی کا سہارا لے سکتا ہے۔
نیز، مالیاتی فراڈ پر مبنی کچھ ایسے جعل ساز طریقے موجود ہیں جن کا مقصد یا تو پہلے سے حاصل کردہ فوائد کی حفاظت کرنا ہے یا اس کے حصول میں مزید سہولت فراہم کرنا ہے۔ ان جعل سازیوں میں بے ایمانی سے فائدہ حاصل کرنا شامل نہیں ہے۔ اس قسم کے طرز عمل کی ایک مثال یہ ہے کہ جب کوئی شخص منی لانڈرنگ کے ذریعے دھوکہ دہی کے کسی دوسرے طریقے سے حاصل کردہ آمدنیوں کو قانون سے چھپانے کی کوشش کرتا ہے۔
مالیاتی جعل سازیوں کی اقسام
درج ذیل جرائم اکثر و بیشتر مالیاتی غبن سے منسلک سمجھے جاتے ہیں:
- دھوکہ دہی۔
- سائبر کرائم۔
- رشوت اور کرپشن۔
- دہشت گردی کی مالی معاونت۔
- مارکیٹ کا غلط استعمال۔
- انسائیڈر ٹریڈںگ۔
مالیاتی جعل سازی کا ارتکاب کون کرتا ہے؟
بنیادی طور پر، ایسے افراد کے 7 گروہ موجود ہیں جو مختلف اقسام کی مالیاتی جعل سازی میں ملوث ہوتے ہیں:
- دہشت گرد تنظیمیں اور دیگر منظم جرائم پیشہ افراد تیزی سے اپنی سرگرمیوں کی مالی معاونت کرنے کے لیے بڑے پیمانے پر دھوکہ دہی میں ملوث ہو رہے ہیں۔
- کرپٹ لیڈران اپنی قوموں (عموماً افلاس زدہ) کے مالی وسائل کو لوٹنے کی خاطر اپنی پوزیشن اور اتھارٹی کا فائدہ اٹھا سکتے ہیں۔
- کسی کمپنی کی حقیقی مالی صورتحال کو غلط انداز میں پیش کرنے کے لیے، سینیئر ایکزیکٹوز یا کاروباری لیڈران مالیاتی ڈیٹا میں ردوبدل کر سکتے ہیں یا اسے غلط طریقے سے پیش کر سکتے ہیں۔
- تمام مناصب کے ملازمین کاروبار سے پیسہ اور دوسرے اثاثے چوری کرتے ہیں۔
- سرمایہ کارانہ جعل سازیوں کا ارتکاب فرم کے باہر سے کوئی کلائنٹ، سپلائر، ٹھیکیدار، یا ایسا فریق ثالث بھی کر سکتا ہے جس کا کاروبار سے کوئی تعلق نہیں ہوتا۔
- ملازم اور غبن کرنے والا بیرونی شخص تیز رفتاری سے زیادہ اور بہتر نتائج حاصل کرنے کے لیے بہت زیادہ تعاون کر رہے ہیں۔
- مالیاتی جعل سازی کا ارتکاب کرنے والے افراد کا ایک اور گروپ کامیاب انفرادی مجرم، سیریل، یا موقع پرست جعل سازوں کا ہے جن کی تحویل میں ان کی رقم موجود ہوتی ہے۔
مالیاتی جعل سازی کیوں ہوتی ہے
اکثر اوقات، مالیاتی جعل سازی اس لیے ہوتی ہے کیونکہ اسے قبول کر لیا گیا ہے۔ مالیاتی جعل سازی کی فیلڈ کے ماہرین نے اس بات پر طویل مباحثے کیے ہیں کہ آیا یہ ممکن ہے کہ مجرم کی ایسی پروفائل بنا دی جائے جو اس قدر واضح ہو کہ کاروباری شرکاء مجرموں کو مالیاتی جعل سازی کرنے کے دوران یا اس کا ارتکاب کرنے سے قبل ہی پکڑ سکیں۔
مالیاتی جعل سازی کا ارتکاب متعدد عوامل کی وجہ سے ہو سکتا ہے۔ جب کبھی مالیاتی جعل سازی ہوتی ہے تو اس صورتحال پر مجرم کے نقطہ نظر سے غور کرنا نہایت ضروری ہے۔ مندرجہ ذیل عناصر پر غور کرنا ضروری ہے:
- غور کرنے کے لیے بنیادی پہلو یہ ہے کہ مجرموں نے جرم کا ارتکاب کیوں کیا اور وہ کون سے حالات ہیں جن کے تحت وہ اپنے افعال کا جواز پیش کر سکتے ہیں۔
- دوسرا عنصر مالیاتی جعل سازی کے ارتکاب کے امکان سے متعلق ہے۔
- تیسرا پہلو مجرموں کی تکنیکی اور تنظیمی مہارتیں ہیں۔
- چوتھا پہلو مالیاتی جعل ساز سرگرمی وقوع پذیر ہو جانے کے بعد اس کے بارے میں معلوم ہو جانے کے متوقع خطرے سے متعلق ہے۔
- آخر میں، پانچواں پہلو جعل ساز سرگرمیوں کے بےنقاب ہونے کے نتائج، جیسا کہ جرمانوں اور دیگر تعزیرات پر غور کرنے سے متعلق ہے۔
مالیاتی جعل سازی سے بچنے کے لیے 3 تجاویز
مالیاتی جعل سازی کی روک تھام کو عمل میں لانے کے متعدد طریقے ہیں، مثال کے طور پر:
اپنی رسک مینجمنٹ کو درست کریں
سب سے زیادہ سوچ سمجھ کر کیے جانے والے خطرات کے جائزے بہترین پالیسیز کی طرف لے جاتے ہیں۔ تمام تنظیموں کے پاس محدود وسائل موجود ہیں، لیکن آپ کی کمپنی کو درپیش اہم خطرات پر توجہ مرکوز کرنا ان وسائل کا سمجھدارانہ استعمال ہے۔ مالیاتی جرائم کے تمام خطرات، کمپنی کے تمام شعبوں، اور تمام محکموں کو مد نظر رکھتے ہوئے خطرے کی تشخیص کرنے اور اسے مجموعی طور پر انجام دینے کے نتیجے میں زیادہ صارف دوست، مفید، اور موثر پالیسز وجود میں آئیں گی۔
قانون اور پالیسی کی تعمیل میں ہونے والی تبدیلیوں پر نظر رکھیں
ایک بار جب آپ پالیسیز کا ایک سیٹ مقرر کر لیتے ہیں، تو ان کا مسلسل جائزہ لینا بہت ضروری ہوتا ہے۔ محض قوانین اور کاروبار ہی وہ واحد چیزیں نہیں ہیں جو تبدیلی کا سامنا کرتی ہیں۔ جب کبھی آپ معیشت کے کسی نئے شعبے یا خطے میں قدم رکھیں گے تو آپ کی پالیسیز کا دوبارہ جائزہ لینے کی ضرورت ہو گی۔ تعمیل کی نگرانی کا طریقہ کار لازماً موجود ہونا چاہیئے تاکہ اس بات کو یقینی بنایا جا سکے کہ ورکرز اور، ضرورت کے مطابق، ایجنٹس، آپ کی پالیسیز پر عمل کر رہے ہیں۔ پالیسیز کے بہترین، لیکن بغیر پڑھے ہوئے سیٹ سے کوئی بھی استفادہ نہیں کر سکتا۔
اپنی اور دوسروں کی غلطیوں سے سیکھیں
مالیاتی جرائم کی روک تھام کے قوانین کی خلاف ورزی کرنے کے نتیجے میں مجرمانہ قانونی چارہ جوئی یا انضباطی نفاذ کی کارروائیوں کا سامنا کرنے والے لوگوں کی تعداد میں اضافہ ہوتا جا رہا ہے۔ ان مشہور واقعات کو دوسری کمپنیز کے لیے ایک انتباہ کے طور پر کام کرنا چاہیئے، تاکہ یہ اندازہ لگایا جا سکے کہ آیا انہیں اسی طرح کے خطرات کا سامنا کرنا پڑ سکتا ہے اور وہ اپنے قوانین کو کسی بھی طرح سے مستحکم کر سکتی ہیں، قابلِ بیان مگر خصوصی طور پر نہیں، ایسے اصول جو انڈسٹری میں سینسر شدہ کاروپریشنز کی طرز پر موجود ہیں۔
خلاصہ
مالیاتی جعل سازی ایک سنجیدہ مسئلہ ہے جس کے آپ پر اور آپ کی کمپنی دونوں پر مختلف قسم کے نقصان دہ اثرات مرتب ہو سکتے ہیں۔ اس قسم کے جرائم پر نظر رکھنا مشکل ہو سکتا ہے، مگر عصری ٹیکنالوجی کی بدولت، آپ ان معاملات پر قابو پا سکتے ہیں اور اپنے کاروبار کو انتشار کا شکار ہونے اور تباہ ہونے سے روک سکتے ہیں۔ اس کے لیے تیار رہنے کا بہترین طریقہ یہ ہے کہ مالیاتی جعل سازی کی روک تھام سے متعلق اپنے فہم میں اضافہ کریں کیوںکہ اگر آپ ایسا سوچتے ہیں کہ، "نہیں، میرے ساتھ ایسا نہیں ہو گا"، مگر ایسا پھر بھی ہو سکتا ہے۔
اکثر پوچھے گئے سوالات
مالیاتی جعل سازی کے 3 اہم ترین عناصر کون سے ہیں؟
مالیاتی جعل سازی کا ارتکاب عموماً ان 3 عناصر کی بدولت ہوتا ہے:
- حوصلہ افزائی۔ لالچ، کسی مجرم یا اس فرد کی ضرورت جس نے مالی جعل سازی کا ارتکاب کیا ہو، کے لیے حوصلہ افزائی کے طور پر کام کر سکتی ہے۔
- موقعہ۔ مالیاتی جعل سازی لیکس انٹرنل کنٹرول سسٹمز اور ناکافی حفاظتی اقدامات کا نتیجہ ہے، جس کا مجرم فائدہ اٹھاتے ہیں۔
- تصویب۔ بہت سے لوگ اصول و قوانین کی پابندی کرتے ہیں کیوںکہ وہ ایسا کرنے کو اپنا بنیادی فرض سمجھتے ہیں۔
مالیاتی جعل سازی کی روک تھام اہم کیوں ہے؟
مالیاتی جعل سازی کی روک تھام اس حقیقت کے پیش نظر نہایت ضروری ہے کیونکہ اس قسم کے جرم سے مالیاتی اداروں سے لے کر ہول سیل انرجی سپلائرز، مینوفیکچررز سے لے کر ریٹیلرز تک، تعمیراتی فرمز سے اسٹیٹ ایجنسیز تک، میڈیا اور ٹیلی کام کارپوریشنز سے لے کر خیراتی اداروں تک، ہر قسم کے کاروبار کو خطرہ لاحق ہوتا ہے۔
منی لانڈرنگ کرنے کے لیے کرپٹو کرنسیز کا استعمال کس طرح کیا جاتا ہے؟
جدید معلومات رکھنے والا دھوکے باز شخص یا منی لانڈرر، بٹ کوائن ایکسچینجز اور بٹ کوائن مکسنگ سروسز دونوں استعمال کر سکتا ہے۔ کسٹمرز کو بٹ کوائن مکسرز کی جانب سے اکثر اوقات ایک نیا تخلیق کردہ بٹ کوائن ایڈریس فراہم کیا جاتا ہے تا کہ وہ بٹ کوائن ڈپازٹ کر سکیں۔ مکسنگ کی فیس منہا کرنے کے بعد، بٹ کوائن مکسنگ سروس اپنے ریزرو سے اضافی بٹ کوائنز کو صارف کی جانب سے فراہم کردہ بٹ کوائن ایڈریسز پر تقسیم کرتی ہے۔ اسے مستند بنانے کے لیے، فریکوئنسی اور ادائیگیوں/فیس کے مجموعے میں کچھ بے ترتیبی کر دی جاتی ہے۔ بٹ کوائن مکسنگ سروسز کو اپنے غیر قانونی منافع کے ذرائع کو چھپانے، مجرمانہ سرگرمی سے خود کو دور کرنے، اور اپنے فنڈز کو بٹ کوائن ایکسچینج کے ذریعے رازدارانہ اور محفوظ طریقے سے نکلوانے کے لیے استعمال کیا جاتا ہے۔
