2023 میں اپنی ٹریڈنگ میں نمایاں مقام حاصل کرنے کا طریقہ کار

ٹریڈنگ کا بنیادی اصول نہایت آسان سا ہے: جو جیتتے نہیں ہیں وہ ہار جاتے ہیں۔ ٹریڈنگ میں، کوئی پابندیاں نہیں ہوتی ہیں۔ اگر آپ ان ٹریڈرز میں سے نہیں ہیں جو اپنی ٹریڈز سے منافع کمانے میں کامیاب ہوئے ہیں، تو آپ کو پہلے ہی نقصان ہو چکا ہے۔ اس لیے یہ نہایت ضروری ہے کہ آپ مسلسل اپنے کھیل میں سرفہرست رہیں اور جیتنے پر توجہ مرکوز کریں۔

اس آرٹیکل میں، آپ کو ٹریڈنگ میں نمایاں مقام حاصل کرنے کے لیے دس تجاویز ملیں گی اور آپ سیکھیں گے کہ صرف بہترین نتائج حاصل کرنے کے لیے آپ کو کن مہارتوں کو نکھارنے کی ضرورت ہے۔

ٹریڈنگ میں نمایاں مقام حاصل کرنے کے لیے تجاویز

ایک کامیاب ٹریڈر بننا آسان نہیں ہوتا۔ اگر آپ اچھی رقم کمانا چاہتے ہیں اور ٹریڈنگ کو ممکنہ طور پر آمدن کا ذریعہ بنانا چاہتے ہیں تو آپ کو سخت محنت کرنی ہو گی۔ یہاں، ہم نے تجاویز کی ایک فہرست مرتب کی ہے جو آپ کے تجربے کو بڑھانے میں آپ کی مدد کر سکتی ہے اور ٹریڈنگ میں بہترین بننے کے لیے درکار ٹریڈنگ کی مہارتوں کو فروغ دے سکتی ہے۔

اپنی تعلیم میں سرمایہ کاری کریں

سنجیدگی سے ٹریڈنگ شروع کرنے سے قبل، آپ کو پہلے یہ سمجھنے کی ضرورت ہے کہ مالیاتی مارکیٹس کیسے کام کرتی ہیں۔ ٹریڈنگ جوا بازی نہیں ہے؛ اگر آپ اس سے منافع کمانا چاہتے ہیں تو اس کے لیے بہت زیادہ منصوبہ بندی، تحقیق، اور تجزیہ کرنے کی ضرورت ہوتی ہے۔ ان عوامل کو سمجھنا جو مارکرز کی نقل و حرکت کو متاثر کرتے ہیں اور اس علم کو اپنے فائدے کے لیے استعمال کرنے کا طریقہ سیکھنا نہایت اہم ہے۔ ایسا کرنے کے لیے، آپ کو تکنیکی تجزیہ، رسک مینجمنٹ کی حکمت عملیوں، ٹولز، انڈیکیٹرز، چارٹ کے پیٹرنز اور معلومات کے حوالے سے دیگر خبروں کا مطالعہ کرنے کی ضرورت ہے جو آپ کو بامقصد اور اچھی طرح سے باخبر ٹریڈنگ پر مبنی فیصلے کرنے میں مدد کریں گے۔

FBS کسی بھی سطح کی مہارت کے حامل ٹریڈرز کے لیے تعلیمی امواد کی ایک وسیع اقسام کی پیشکش کرتا ہے، لہٰذا ٹریڈنگ اور مالیاتی مارکیٹس کے حوالے سے تمام بہترین معلومات حاصل کرنے کے لیے ان کا مطالعہ کرنا یقینی بنائیں۔

ٹریڈنگ کی منصوبہ بندی کرنا

ٹریڈنگ کا منصوبہ کسی بھی ٹریڈر کے لیے ایک اہم عنصر ہے، چاہے وہ آغاز کاران ہوں یا تجربہ کار پرو ہوں۔ اس میں اصولوں کا ایک سیٹ شامل ہوتا ہے جن پر ٹریڈر کو ٹریڈنگ کے دوران عمل کرنا چاہیئے، اس میں ٹریڈ کی ٹائمنگ اور سائز، داخلی اور خارجی پوائنٹس، رسک مینجمنٹ کے اقدامات اور ٹریڈز کے حوالے سے دیگر اہم تفصیلات کا احاطہ کیا گیا ہے۔ کچھ ٹریڈرز کا خیال ہے کہ ٹریڈنگ کا منصوبہ غیر ضروری ہے، لیکن جلد یا بدیر وہ سمجھ جائیں گے کہ اپنے مقاصد کی طرف رہنمائی کرنے والے منصوبے کے بغیر اپنے جذبات پر توجہ مرکوز کرنا اور ان پر قابو پانا ناممکن ہے۔

بیک وقت ایک حکمت عملی کو بہتربنانے پر توجہ دیں

جیسا کہ ایک مشہور کہاوت ہے کہ، “جو شخص متعدد چیزوں کا علم رکھتا ہے ضروری نہیں کہ وہ کسی ایک کا ماہر ہو۔” اگر آپ ایک ساتھ متعدد ٹریڈنگ کی حکمت عملیوں پر توجہ مرکوز کرتے ہیں، تو ہو سکتا ہے کہ آپ ان میں سے کسی کو بھی بہتر نہ بنا سکیں۔ ایک حکمت عملی پر توجہ مرکوز کر کے، آپ مارکیٹ کے بارے میں اور اپنے مقاصد کو حاصل کرنے کے طریقے سے متعلق بھی مزید جان سکتے ہیں، کہ کون سے اقدامات کارآمد ہیں اور کون سے غیر مؤثر ہیں۔ ایک بار جب آپ ایک ایسے مقام پر پہنچ جاتے ہیں جہاں آپ اس حکمت عملی سے معقول اور مستحکم منافع کما سکتے ہیں، تو آپ دوسری حکمت عملیوں کے حوالے سے تجربہ کر سکتے ہیں اور ٹریڈنگ سے پیسہ کمانے کے نئے طریقے تلاش کر سکتے ہیں۔

مثلاً، زیادہ تر مالیاتی مارکیٹس کو متاثر کرنے والے اعلیٰ سطح کے اتار چڑھاؤ کے پیشِ نظر، طویل مدتی سرمایہ کاری کے بجائے قیاس آرائی پر مبنی ٹریڈنگ پر قائم رہنا زیادہ سمجھداری ہے کیونکہ قیمت حالیہ جیوپولیٹیکل مسائل کی وجہ سے زیادہ آسانی سے متاثر ہو سکتی ہے۔

مارکیٹس کی سمت کا اندازہ لگانے کی کوشش نہ کریں

اگرچہ ٹریڈنگ ٹولز اور انڈیکیٹرز موجودہ رجحان سے متعلق آپ کو معلومات فراہم کر سکتے ہیں، تاہم باہر کے ذرائع کی بنیاد پر مارکیٹس کی سمت کی پیش گوئی کرنے کی کوشش غیر متوقع نتائج کا سبب بن سکتی ہے، خصوصاً اگر یہ آپ کی موجودہ ٹریڈز سے متعلق ہو۔ مثلاً، اگر آپ ایک نیوز رپورٹ پڑھتے ہیں جس میں دعویٰ کیا جاتا ہے کہ آپ نے جو اسٹاک خریدا ہے اس کی قیمت بڑھ جائے گی، تو ہو سکتا ہے کہ قیمت گرنے کے باوجود آپ اسے فروخت کرنے میں ہچکچاہٹ محسوس کریں۔ اپنی رائے کی حمایت کرنے والے ذرائع تلاش کر کے اپنے انتخابات کا دفاع کرنے کی کوشش کرنا خطرناک ہے۔ یہ آپ کے فیصلے کے لیے خطرہ بن سکتا ہے اور آپ کو جذباتی طور پر اپنی ٹریڈز سے منسلک کر سکتا ہے، جو آپ کو عقل پر مبنی فیصلے کرنے سے روکنے کا سبب بن سکتا ہے۔

ٹریڈنگ کے مواقع ضائع نہ کریں

پریکٹس درجۂ کمال تک پہنچاتی ہے، اور فعال طور پر خود کو دستیاب ٹریڈنگ کے سازگار مواقع سے فائدہ اٹھانا اپنی مہارتوں کو نکھارنے اور ٹریڈنگ کے ہنر میں مہارت حاصل کرنے کے لیے ضروری ہے۔ بہت سے نا تجربہ کار ٹریڈرز شعوری طور پر ٹریڈنگ کے نئے مواقع نظر انداز کر دیتے ہیں کیونکہ ان میں اعتماد کی کمی ہوتی ہے یا وہ ٹریڈنگ کے ایک معیاری موقع کا انتظار کرتے ہیں جو شاید کبھی پورا نہ ہو سکے۔ اگر آپ کبھی ٹریڈ کرنے کی کوشش نہیں کرتے تو آپ کو کبھی معلوم نہیں ہو گا کہ اس کا کیا نتیجہ نکلے گا۔ حتیٰ کہ نقصان بھی سبق آموز ہو سکتا ہے اور مستقبل کی اہم ترین ٹریڈز میں ایسی ہی غلطیاں کرنے سے بچنے میں آپ کی مدد کر سکتا ہے۔

درست وقت پر اپنی ٹریڈز سے باہر نکلیں

ایک اور چیز جس پر آپ کو اپنی ٹریڈنگ میں نمایاں مقام حاصل کرنے کے لیے کام کرنے کی ضرورت ہے وہ ہے درست وقت پر اپنی ٹریڈز سے باہر نکلنا۔ یہ کہنا آسان ہوتا ہے لیکن اس پر عمل کرنا مشکل ہوتا ہے، خصوصاً اس وقت جب آپ کو امید ہوتی ہے کہ قیمت ممکنہ طور پر مطلوبہ سمت میں مسلسل حرکت کرتی رہے گی۔ تاہم یہ سوچ انتہائی خطرناک ہوتی ہے کیونکہ قیمت اچانک پلٹ سکتی ہے، جس سے آپ اپنا تمام ممکنہ منافع کھو سکتے ہیں۔

ایسا ہو سکتا ہے یہاں تک کہ جب قیمت آپ کی مخالف سمت میں حرکت کرتی ہو اور آپ اپنے نقصانات کو کم کرنے کے بجائے اس کے اتار چڑھاؤ کا رخ بدلنے کی امید کر رہے ہوں۔ ایسا کبھی نہیں ہو سکتا، اور آپ جتنا زیادہ انتظار کریں گے، بالآخر اتنا ہی زیادہ پیسہ ضائع ہو گا۔ حتیٰ کہ اگر آپ صرف معمولی سا منافع کماتے ہیں یا بالکل منافع نہیں کماتے، تو یہ ٹریڈ میں آپ کی لگائی گئی پوری رقم یا اس سے بھی زیادہ کھونے سے کہیں زیادہ بہتر ہے۔

مستقبل کی ٹریڈ کے تمام خطرات کا جائزہ لیں

جب آپ ٹریڈ کرتے ہیں، تو ہمیشہ کچھ غلط ہونے کا امکان رہتا ہے۔ لہٰذا آپ کو پوزیشن اوپن کرنے سے قبل، آپ کو تمام ممکنہ مالی خطرات کا جائزہ لینے کی ضرورت ہوتی ہے جو اس میں شامل ہو سکتے ہیں۔ اس سے آپ کو اپنی ٹریڈ کے سائز اور اس رقم سے متعلق مزید باخبر فیصلے کرنے میں مدد مل سکتی ہے جس کی آپ سرمایہ کاری کرنے کے لیے تیار ہیں۔ بہت سے تجربہ کار ٹریڈرز مشورہ دیتے ہیں کہ آپ ایک ہی ٹریڈ میں اس سے زیادہ پیسہ نہ لگائیں جتنا آپ کھونے کے متحمل ہو سکتے ہیں۔ لہٰذا اگر آپ نو آموز ہیں، تو آپ کم خطرے کے حامل سرمائے کے ساتھ آغاز کر سکتے ہیں اور تجربہ حاصل کرنے کے ساتھ ساتھ اسے بتدریج بڑھا سکتے ہیں۔

نقلی اکاؤنٹ کے ساتھ مشق کریں

متعدد بروکرز، بشمول FBS، نئے ٹریڈرز کو پہلے اپنی مہارتوں کی جانچ پڑتال کرنے اور ڈیمو اکاؤنٹ کے ذریعے حقیقی دنیا کی تیز رفتار ٹریڈنگ سے ہم آہنگ ہونے کا آپشن پیش کرتے ہیں۔ ڈیمو اکاؤنٹ ایک ورچوئل ٹریڈنگ اکاؤنٹ ہے جو ٹریڈرز کو ورچوئل فنڈز استعمال کرنے میں مدد دیتا ہے اور مارکیٹ کا اصل وقتی ڈیٹا استعمال کرتے ہوئے ٹریڈنگ کے حقیقی تجربے کی نقل کرتا ہے۔

حتیٰ کہ اگر آپ ٹریڈنگ سے متعلق تمام تھیوری سیکھ بھی لیتے ہیں، مگر شروعات میں اسے خود سے سر انجام دینا بہت مشکل ہو سکتا ہے۔ اسی لیے ڈیمو اکاؤنٹس اہمیت کے حامل ہوتے ہیں۔ وہ آپ کو قیمتوں کے اتار چڑھاؤ سے واقف کرنے، چارٹ کے پیٹرنز کو پڑھنے، آرڈرز دینے، اور ٹریڈنگ کو آسان بنانے کے لیے ضروری ٹولز استعمال کرنے میں مدد دیتے ہیں۔ ڈیمو اکاؤنٹ کے ذریعے اپنے ٹریڈنگ کا سفر شروع کرنے سے آپ کو مزید اعتماد حاصل کرنے نیز اس بارے میں عملی فہم حاصل کرنے میں مدد ملتی ہے کہ مارکیٹ کس طرح کام کرتی ہے اور آپ کو اپنے ذاتی پیسے سے ٹریڈنگ کرنے کے لیے تیار کرتا ہے۔

پورے انہماک سے کام کریں

ٹریڈنگ حقیقتاً پریشان کن اور اعصاب شکن ہو سکتی ہے، جو حقیقی طور پر آپ کے فیصلے کرنے کے طریقہ کار کو متاثر کر سکتی ہے۔ جب آپ تناؤ کا شکار ہوتے ہیں، تو آپ اپنے اگلے اقدامات کے بارے میں زیادہ سوچے بغیر اپنی جبلت کے ساتھ چلتے ہیں، جس سے آپ کی ٹریڈز کے نتائج پر منفی اثر پڑتا ہے۔ غور و فکر کے بغیر فیصلے کرنا اور جذباتی طور پر ٹریڈز سے منسلک ہونا نقصانات کا سبب بن سکتا ہے جن کو باآسانی نظر انداز کیا جا سکتا تھا۔

یہی وجہ ہے کہ پورے انہماک کے ساتھ ٹریڈنگ کا آغاز کرنا نہایت ضروری ہے۔ مثبت رہنا اور خوف اور پریشانی جیسے منفی جذبات کو نظر انداز کرنا آپ کو غور و فکر کے بغیر فیصلے کرنے سے بچنے، مارکیٹ کے اہم ترین حقائق سے باخبر ہونے اور حتیٰ کہ مشکل ترین حالات سے باہر نکلنے کے طریقے تلاش کرنے میں آپ کو مدد فراہم کر سکتا ہے۔

نظم و ضبط برقرار رکھیں

نظم و ضبط پروفیشنل ٹریڈنگ کے سب سے اہم پہلوؤں میں سے ایک ہے۔ یہ وہی چیز ہے جو آپ کے خیالات کو منتشر کیے بغیر اپنی ٹریڈز پر توجہ مرکوز رکھنے اور اپنی ٹریڈنگ کی حکمت عملی پر عمل پیرا ہونے میں مدد دیتی ہے۔ وہ ٹریڈرز جو نظم و ضبط برقرار نہیں رکھ سکتے انہیں ٹریڈنگ سے مستقل منافع کمانا مشکل لگتا ہے کیونکہ یہ ایک اچھی طرح سے منظم کردہ کام ہوتا ہے۔ اگر آپ ایک کامیاب ٹریڈر بننا چاہتے ہیں اور ٹریڈنگ مارکیٹس میں نمایاں مقام حاصل کرنا چاہتے ہیں تو آپ کو اپنے جذبات پر کنٹرول کرنے نیز اپنی طے شدہ حکمت عملی سے انحراف کرنے کی کوشش کرنے پر قابو پانے کا طریقہ سیکھنا نہایت ضروری ہے۔

ٹریڈنگ میں نمایاں مقام حاصل کرنے کے لیے آپ کو کن مہارتوں کی ضرورت ہے

اب جبکہ آپ بنیادی باتیں جانتے ہیں کہ ایک بہتر ٹریڈر بننے کے لیے آپ کو کیا کرنے کی ضرورت ہوتی ہے، آئیے اب ان مہارتوں کا جائزہ لیتے ہیں جو آپ کو بطور ٹریڈر بہتر بننے اور ٹریڈنگ میں نمایاں مقام حاصل کرنے میں مددگار ہو سکتی ہیں۔

تحقیق اور تجزیہ

جب پروفیشنل ٹریڈنگ کی بات آتی ہے تو مارکیٹ کے موجودہ حالات کی تحقیق کرنا اور ٹریڈںگ سے متعلق فیصلے کرنے کے لیے دستیاب معلومات کا تجزیہ کرنے کی صلاحیت اہم ترین مہارتوں میں سے ایک ہے۔ کامیاب ٹریڈرز جانتے ہیں کہ مفید ڈیٹا حاصل کرنے کے لیے کون سے ٹولز استعمال کیے جائیں، کون سے ذرائع قابل اعتبار ہیں اور کون سی معلومات ان کی ٹریڈز سے متعلقہ ہیں۔

تحقیقاتی اور تجزیاتی مہارتیں نہایت ضروری ہوتی ہیں کیونکہ یہ ٹریڈرز کو ان کی حکمت عملیاں اور ٹریڈنگ کے منصوبے تیار کرنے کے ساتھ ساتھ یہ فیصلہ کرنے میں مدد دیتی ہیں کہ مختلف حالات میں کون سا نقطہ نظر اختیار کرنا ہے۔ یہ مہارتیں ٹریڈرز کو ٹریڈنگ کے مواقع کی نشاندہی کرنے میں مدد کرتی ہیں جبکہ دستیاب خارجی پوائنٹس اور ممکنہ خطرات کے حوالے سے بھی معلومات فراہم کرتی ہیں، جو کامیاب ٹریڈز کی منصوبہ بندی کرنے کے لیے ضروری ہوتی ہیں۔

بدلتی ہوئے مارکیٹس کے موافق ہونا

ایک قابل اعتماد ٹریڈنگ کی حکمت عملی کا ہونا اچھی بات ہے جس نے آپ کو بہت ساری ٹریڈز میں مدد فراہم کی ہے۔ تاہم، مالیاتی مارکیٹس مسلسل تبدیلیوں اور اتار چڑھاؤ کا شکار ہوتی ہیں۔ اس بات سے باخبر ہونا ایک فائدہ مند ہنر ہے کہ کس طرح فوری طور پر اور بغیر کسی ہچکچاہٹ کے اپنی حکمت عملیوں اورٹریڈنگ کے منصوبوں کو ان تبدیلیوں کے موافق کرنا ہے، خصوصاً اگر یہ تبدیلیاں ٹریڈ کے وسط میں واقع ہوتی ہیں۔ مثلاً، 2023 میں مارکیٹس بہت زیادہ اتار چڑھاؤ اور غیر یقینی صورتحال کے دور سے گزر رہی ہیں، جس کی وجہ سے قیمتوں کے اتار چڑھاؤ کی پیش گوئی کرنا خاصا مشکل ہے۔ اسی لیے آپ کو مارکیٹ کی متوقع تبدیلی کی نشاندہی کرنے والے ممکنہ سگنلز کی مسلسل نگرانی کرنے کی ضرورت ہوتی ہے، لہٰذا ٹریڈنگ انڈیکیٹرز اور قیمت کے چارٹس کا بغور جائزہ لینا یقینی بنائیں تاکہ اس کے مطابق اپنی حکمت عملیوں میں ترمیم کرنے کے لیے تیار رہیں۔

نقصانات سے نمٹنا

آپ کی کامیاب ٹریڈ کا ایک سلسلہ وار تجربہ آپ کو ہمیشہ ایک خوشگوار احساس فراہم کرتا ہے۔ تاہم، ٹریڈنگ میں، کسی بھی دوسری انڈسٹری کی طرح، ایک ایسا وقت ضرور آتا ہے جب نقصانات ناگزیر ہوں۔ جب ایسا ہوتا ہے، تو بہت سے ٹریڈرز حوصلہ شکن ہو جاتے ہیں اور ٹریڈنگ کی دنیا کو یکسر خیر باد کہہ دیتے ہیں۔

تجربہ کار ٹریڈرز جانتے ہیں کہ ہر بار آپ فاتح نہیں ہو سکتے، لیکن ہمیشہ ہارنے والے بھی نہیں ہوں گے۔ ناکام ٹریڈز کے ایک سلسلے کے بعد بھی، آپ جیتنے کے مزید مواقع تلاش کر سکتے ہیں اور اپنی ضائع ہونے والی رقم کی نسبت زیادہ پیسے کما سکتے ہیں۔ ناکام ٹریڈز کی وجہ سے پیدا ہونے والے منفی جذبات کو ترک کرنے نیز نئے جوش اور عزم کے ساتھ نئے سرے سے آغاز کرنے کا طریقہ کار سیکھنا ضروری ہے۔

ٹریڈنگ میں ہونے والی غلطیوں سے سیکھنا

اگرچہ کچھ ناکام ٹریڈز آپ کے کنٹرول سے باہر ہوتی ہیں، لیکن اگر آپ مختلف طریقے سے عمل کرتے تو دیگر سے بچا جا سکتا تھا۔ غلطیاں ہو جاتی ہیں، لیکن ضروری نہیں کہ وہ بری چیز ہوں۔ یہ آپ کو آگے بڑھنے میں مدد کرتی ہیں اور آپ کو اپنی غلطیوں کی نشاندہی کرنے میں مدد کرتی ہیں۔ تاہم، ان سے سیکھنا بہت ضروری ہے، یہ ان ٹریڈرز کے لیے ایک مشکل کام ہو سکتا ہے جو اپنی غلطیوں سے نمٹنے کے لیے جدوجہد کرتے ہیں۔ تاہم، ٹریڈنگ ایک ایسی سرگرمی ہے جس میں مسلسل بہتری کی ضرورت ہوتی ہے، اور اپنی غلطیوں سے سیکھنا اور انہیں ٹھیک کرنے کا طریقہ کار جاننا ایک کامیاب ٹریڈر بننے کے لیے آپ کو درکار اہم ترین مہارتوں میں سے ایک ہے۔

خلاصہ

ایک کامیاب ٹریڈر بننا کوئی آسان چیز نہیں ہے۔ اس کے لیے لگن، صبر، نظم و ضبط، اور مسلسل بہتری کی ضرورت ہوتی ہے۔ لیکن اگر آپ اس آرٹیکل میں موجود تجاویز پر عمل کرتے ہیں اور اپنی مہارتوں کو نکھارتے ہیں، تو آپ کے پاس ایک حقیقی پرو بننے اور اپنی ٹریڈنگ میں نمایاں مقام حاصل کرنے کا بہترین موقع ہوتا ہے۔